Pilming

Matapos ang ilang araw na pakikipagbuno sa hectic na mga schedule at mga biglaan pasabi na kailangan ako sa isang lugar,dumating din ang araw ng aking pahinga. Araw na pinili kong gamitin para pumasok pa din sa trabaho para sa ekstrang kita. 'Di bale may isa pa naman akong araw na natitira para sa pagpapahinga. Ngunit syempre, inilaan ko ito sa isang espesyal na tao.


Sa apat na taon ay normal na masali sa usapan namin ang tungkol sa mga pelikula. Kung anong bago, ang mga dapat makita at dapat iwasan. Mga palabas na hihintayin na lang magkaroon ng downloadable copy o piratang kopya sa Quiapo (kung meron pang nakakapuslit na mga kakilala). Yung mga bagong labas nang mga kilala niyang indie film makers at mga kaabang abang na mga artista (yung totoong nagpapamalas ng husay sa ART at hindi un umaARTE lang at maganda ang rehistro sa VTR). At ang mga private screenings monthly ng Titus Brandsma sa New Manila, free film festivals sa Shang, sa UP (thesis defense ng UP film majors), free ulit na mga film festivals sa kung saan saang unibersidad .


Ang daming talento at husay ang nasasayang dahil sa walang kawawaan at sabaw na kalidad ng mga palabas na pinopronta sa atin kahit saan. Minsan naiisip kong gumawa din dahil naguumapaw ang ideya sa isip ko bunga ng napakalaking dismaya ko sa nangyayari sa sining dito sa bansa. Hindi lang talaga ito tungkol sa mga basurang pelikulang ginagawa ng mga malalaking producers para lang kumita. Kasama din dito lahat ng aspeto ng sining na binababoy at binabalahura ng mga gahaman sa pera at sa mga walang utak na mga "artista" na walang ibang nasa utak kundi magkapera din.


Pero ang lakas kasi ng tama ng libro ni Bob Ong na "Lumayo ka nga sa akin". Humahagod at kung puwede sana dito na lang igugol ng mga mamamayan ang oras nila dahil higit namang kapupulutan ng aral . Basag ang mga ego ng mga nagpapanggap pero syempre alam nating susuportahan nila ito habang nagpapanggap na hindi sila isa sa mga akusado sa paghihingalo ng buhay ng sining dito.


Basta, alam ko sa sarili ko, may gagawin ako para isalba ito.

Paguwi..

Halika na..

Sundan yabag nitong nangapasmang mga paa

Ibangon katawang..
katawang nilalamon na ng lupa

Pawiin na..

Pangambang habang buhay na pasasaalila

Ibaon ang diwang..
diwang iniwanan ka sa bisa ng isang sumpa

Bitiwan na

Huling hiningang kinuyom ng minsan pa

Ipaubaya ang labang
labang sa wakas may magpapatuloy na...

Tisa

Bigyan mo ng resolusyon, utak kong papurol...
Pantasa sa lapis ng bungo inupod ng desisyon


Bahagdan mo ng panginis, utak kong kalawangin
Papel na liha malamang, di man tanggal ay mabawasan


Panahon ..

wala

Takip silim sa iyong labi
tanging namutawi...


Kinaingatang salamisim
sadyang ikinubli...


Tangang tinig sa'yong pagpanaw
pilit nagsumigaw...


Kay lalakas mang alingawngaw
hindi nagpatanaw


Pagsapit mo, bukang liwayway
ako'y maghihintay


sa katarungang inaanay
tiwala ang alay


Sa pagdating ng dapit hapon

dilim ang lalamon

Sa huling pagkakataon

bigong sumangayon

Wala na sa sirkulasyon

luha ang tumapon

something's cooking

PLEASE STAY ON THE LINE!

Sa kuta ng mga

Kung sa karurukan mo mahahanap
Humayo ka't bagtasin ang gubat


Kung sa alapaap mo malalasap
Lumipad ka't bagwis ay ipalaganap


Kung sa kalawakan mo maaabot
Maglakbay ka't kalabanin, batas ng di mahagap


Sarili mo lang ang limitasyon
sarili mo lang ring imahinasyon
Sarili mo ring korapsyon


ikaw din naman ang resolusyon

Kaalinsabay ng pananaliksik

Naniniwala ako na may kulay ang bawat araw
Minamarkahan ko gamit ang kani- kanilang pangalan
Ngayong hapon, mukhang sabado ang araw
Kulay ponkan, sabog, maaliwalas
Kapanahunang mas gugustuhin mong lumabas
Kaysa sumunod kapag pinatulog ni nanay

Hawak ko ang iyong kamay
Isang araw na mukhang lunes
Nakakatamad, masyadong malakas
matindi ang liwanag, ngunit pinahahanay sa labas
may speech ang principal matapos ang bandila'y maiwagayway
Maya- maya pa'y uwian na't ako'y iyo nang nalimutan

Huwebes nang ika'y aking maalala
Mahangin at pilit nitong itinataas ang mga palda
may bakas ng lila sa hapong palubog ang hari
mas nanaising tumulala't simsimin
Ang malungkot na simoy, maalinsangang hangin

Ngunit alam kong kahit magsaliwa
Tunay na araw at kung pa'no ko ito kinilala
'Pagkat mananatili ang gabing miserable't ma-tala
Mananatiling madilim, matamlay at wari'y walang katapusang pagluluksa

Hihintayin kong muli ang araw...